Deseño de sitios web de comercio electrónico

Non tes que ser profesional do deseño nin da programación. Para comezar, debes seguir os pasos que indicamos a continuación:

1. Planifica o teu sitio
   • Pensa no teu público e no que precisa
   • Para conseguir ideas, busca sitios web que che gusten
   • Fai unha lista das páxinas e funcións que queres incluír (coma a páxina de inicio, as páxinas do produto ou un blog)
2. Escolle a plataforma e o modelo
   • Escolle unha solución de deseño de sitios web que se adapte ás túas necesidades
   • Selecciona un modelo acorde co teu estilo
3. Configura a túa marca
   • Escolle tipos de letra doados de ler (procura non pasar de dous)
   • Elixe un esquema de cores que encaixe coa túa marca
   • Engade o teu logotipo e imaxes
4. Personaliza o sitio
   • Usa o editor para organizar as páxinas, as seccións e o contido
   • Asegúrate de que o teu sitio se vexa ben tanto nos móbiles coma nas tabletas
5. Engade contido
   • Escribe textos claros e útiles
   • Utiliza imaxes e vídeos de alta calidade
   • Presta atención a que a navegación sexa sinxela
6. Proba e lanza
   • Comproba que funciona todo: ligazóns, formularios, o proceso de pagamento etc.
   • Elimina as proteccións por contrasinal e publica o sitio
7. Mantén todo ao día
   • Actualiza o contido de forma regular
   • Revisa o rendemento do teu sitio e introduce melloras

Se o teu sitio web é intuitivo, axudaralles aos visitantes a atoparen rapidamente o que precisan. Ademais de ter bo aspecto, debe funcionar ben para facer que a xente se sinta a gusto coa marca. Estes son os aspectos que debes ter en conta:

• Navegación sinxela: os visitantes deben atopar o que buscan ao primeiro
• Deseño claro e simple: non abarrotes as páxinas, senón que debes aproveitar o espazo para facilitar a lectura
• Texto lexible: escribe títulos claros con tipos de letra doados de ler
• Branding coherente: utiliza en todo o sitio web a mesma paleta de cores, tipos de letra e estilos
• Deseño adaptable a calquera dispositivo: o sitio debe verse correctamente nos móbiles, nas tabletas e nos escritorios
• Sinais de confianza: mostra a túa información de contacto, as túas políticas de devolucións e as avaliacións dos clientes
• Carga rápida: un sitio lento só servirá para afastar os visitantes

Escoller a plataforma adecuada para o teu sitio web é fundamental porque iso influirá na facilidade que terás despois para crealo, actualizalo e impulsalo. Para que o entendas ben, é coma elixir a base sobre a que vas construír a túa casa.

Existen tres formas de crear un sitio web:

1. Código: ti encárgaste da creación e, para iso, debes contar con coñecementos técnicos.
2. Sistema de xestión de contidos (CMS): permite xestionar contido cos modelos e coa axuda do código.
3. Creadores de sitios web: ti encárgaste de crear o sitio web mediante un editor visual co que só tes que arrastrar e soltar elementos, sen necesidade de programar.

Que debes buscar nunha plataforma?

• Escalabilidade: poderá adaptarse ao crecemento do teu negocio?
• Facilidade de uso: é sinxela a súa configuración e actualización?
• Ferramentas de SEO: contribuirá a que o teu sitio apareza nos resultados de busca?
• Aplicacións e funcións: poderás engadir facilmente elementos como avaliacións ou subscricións por correo electrónico?
• Personalización: poderás cambiar a súa aparencia e comportamento para que encaixen coa túa marca?
• Analítica: proporciona datos que che permitan ver como funciona o teu sitio?
• Adecuación do propósito: está pensada para responder ás túas necesidades (como vender produtos)?
• Soporte: dispón de axuda por se che xorden dúbidas?
• Fiabilidade: carga rápido e funciona ben?

Consello: antes de comezar, busca sitios web que che gusten. Así resultaráche máis sinxelo decidir que funcións e estilo queres para o teu sitio.

Si, moitas solucións de deseño de sitios web ofrecen agora funcións de IA para facilitar as cousas. Estas son as formas máis comúns de utilizar a IA:

• Deseña o teu sitio: só tes que describir o teu negocio para obter un deseño listo para usar
• Redacta textos: xera descricións dos produtos, títulos ou publicacións no blog
• Crea e edita imaxes: usa a IA para mellorar as fotos ou para crear novos elementos gráficos
• Obtén axuda: consegue orientación e asesoramento paso a paso a medida que o constrúes

Grazas a estas funcións poderás lanzar un sitio de aspecto profesional aínda que non o teu non sexa o deseño ou a programación.

Se un sitio é rápido, conseguirá que os visitantes queiran estar nel e tamén axudará a mellorar a clasificación nos resultados de busca. A continuación, contarémosche algúns segredos para que o teu sitio se execute sen problemas:

• Aposta por deseños simples: evita os amasillos e as animacións pesadas
• Comprime as imaxes: aproveita os ficheiros pequenos sen que por iso teñas que renunciar á calidade
• Limita os vídeos: bota man de clips curtos e engade sempre imaxes alternativas
• Emprega os formatos correctos: JPG para as fotos, PNG para os gráficos e WebP se buscas ficheiros máis pequenos
• Deseña para os móbiles: asegúrate de que o teu sitio se vexa ben nos teléfonos
• Usa un aloxamento seguro: os creadores como Shopify encárganse do aloxamento, polo que o teu sitio seguirá sendo rápido e fiable
• Non satures o sitio con aplicacións: engade só as que necesites
• Proba o teu sitio: comproba os tempos de carga e soluciona os erros das páxinas que tarden en abrir